2025 നവംബര്‍ 13-ാം തീയതി ദീപനാളത്തില്‍ പി.സി. സിറിയക് സാര്‍   ""കേരളം സുന്ദരമാണ്, പക്ഷേ """   എന്ന തലക്കെട്ടില്‍ എഴുതിയിരുന്ന ലേഖനം ഒന്നാന്തരം ഒരു പഠനമാണ്. ഈ സംസ്ഥാനത്തെ സ്‌നേഹിക്കുന്ന ആരും അവിടെ നിരത്തിയിരിക്കുന്ന വസ്തുതകള്‍ കാണാതെപോകരുത്. കഴിഞ്ഞ 69 വര്‍ഷങ്ങളിലൂടെ നമ്മുടെ മാതൃസംസ്ഥാനം കടന്നുപോയ കാര്‍ഷിക-വ്യാവസായിക-സാമ്പത്തികമേഖലകളെ അദ്ദേഹം കൃത്യമായി പഠിച്ച് അവലോകനം ചെയ്തിരിക്കുന്നു. 
    അഭിനവ പി ആര്‍ പണ്ഡിതന്മാര്‍ ഇത്രയും വസ്തുനിഷ്ഠമായി കേരളവിഷയങ്ങളെ വിലയിരുത്തുകയില്ല. നെല്ല്-തെങ്ങ്-റബര്‍-നാണ്യവിളകളും അനുബന്ധവ്യവസായങ്ങളും നേടിയതും നഷ്ടപ്പെടുത്തിയതും പി. സി. സിറിയക് കാര്യകാരണസഹിതം വിവരിച്ചിട്ടുണ്ട്.
കേരളത്തിലെ കര്‍ഷകര്‍ക്ക് അദ്ദേഹം കൊടുക്കുന്നത് പുതിയ ഉപദേശമൊന്നുമല്ല. ഇടവിളസിദ്ധാന്തവും വിളമാറ്റസിദ്ധാന്തവും അദ്ദേഹം പണ്ടേ പറയുന്നതാണ്. 
   എല്ലാ കേരളീയപൗരന്മാര്‍ക്കും ഭരണകര്‍ത്താക്കള്‍ക്കും പിന്തുടരാനുള്ള ഫലപ്രദമായ വഴികള്‍ അദ്ദേഹം ഉപദേശിക്കുന്നു. വിലയേറിയ ഈ പഠനം പ്രസിദ്ധീകരിച്ച ദീപനാളം വാരികയെ അഭിനന്ദിക്കുന്നു.